Rusia ka raportuar numrin më të lartë të vdekjeve nga coronavirusi në një ditë të vetme që nga fillimi i pandemisë mes valës së tretë të vendit të “shtyrë” nga varianti Delta.

Task forca ruse për Covid-19 e cila shënon vdekjet në të gjithë vendin regjistroi 652 vdekje nga coronavirusi të martën, duke kaluar rekordin e mëparshëm të vdekshmërisë prej 635 të vendosur në lartësinë e valës së dytë të Rusisë më 24 dhjetor, shkruan Reuters.

Shën Petersburg, i cili po pret çerekfinalet e futbollit Euro 2020 këtë javë pa kufizime të forta, gjithashtu raportoi një numër rekord të të vdekurve për të dytën ditë radhazi me 119 viktima të coronavirusit.

Në anën tjetër, epiqendra e shpërthimit të Rusisë, Moska, raportoi 121 vdekje nga Covid-19, 24 orë pasi pa një numër rekord të 124 viktimave.

Autoritetet atje kanë urdhëruar të gjithë restorantet të pranojnë klientë me kodet QR që vërtetojnë statusin e tyre të vaksinimit, imunitetin ose rezultatet negative të testit PCR, dhe të gjitha bizneset të dërgojnë 30% të stafit të tyre të pavaksinuar në punë në distancë.

Qendra kombëtare e informacionit rreth rasteve me Covid-19, e cila numëron vetëm ata, shkaku i vetëm i vdekjes së të cilëve ishte Covid-19, thotë se gjithsej 134,545 njerëz kanë vdekur nga virusi.

Numri i përgjithshëm i fatalitetit të Rusisë që nga fillimi i pandemisë qëndron në rreth 475,000. /arbresh.info/